అయ్యా! తాము గురుపుత్రులమని చెప్పుకొనుచు గురుపీఠమును దీసికొని సంచారము చేయుచు మీరే మతాచారమునకు విరుద్ధముగా నడుచుకొనుట భావ్యమా! నీ తల్లి ఇంకనూ పసుపు, కుంకుమ అలరించుకొని సుకేతనిగా నున్నది కదా! ఆ గురుదేవులు ఇంకను జీవించినారని మాకు నిదర్శనమేమి ఆ నమ్మకము మాకు కలిగినపుడె మీచేత మేము తీర్థ ప్రసాదములు స్వీకరింతుము. అంతవరకు ముట్టము వచ్చిన దారిననే తిరిగి వెళ్లమని చెప్పగా, పోతులూరయ్య వారికేమి సమాధానము చెప్పకుండ అటునుండి వెళ్లి మునిమడుగు గ్రామమునకు వచ్చెను. అక్కడ గూడ అవే ప్రశ్నలు అడుగగా పోతులూరయ్య చింతాక్రాంతుడై ఏమి చెప్పచెప్పలేక ఎటుతోయక తిరిగి కందిమల్లయపల్లెకు వచ్చి తల్లితో చెప్పగా ఆమె ఆవేశము పట్టజాలక ఇట్లు శపించెను. “వనిపెంట విశ్వబ్రాహ్మణులు వల్లకాడుగాను” “మునిమడుగు విశ్వబ్రాహ్ముణులు ముదనష్టంగాను”