మఠములో గోవిందయ్య పోతులూరయ్య కొలువుతీరి కూర్చున్న వారిని జూచి నమస్కరించి అయ్యా! నేను వీరబ్రహ్మేంద్రస్వామి యంత్ర మహిమచే జన్మించినానని తన వృత్తాంతము చెప్పి ఈ యంత్రములో మీ కూతురు ఈశ్వరమ్మను గూర్చి మీతో వియ్యమొందవలెనని తెలియుచున్నది. దీనిని చూచి పరిశీలించుడని తనచేతిలో నున్న యంత్రమును గోవిందయ్య గారికిచ్చెను. అదిజూచి రంగరాజా! మా తండ్రిగారు ఇలాంటి యంత్రాలు ఎందరికో ఇచ్చినారు. దీనిలో నాకేమి అర్థము గాలేదు, మీకు మాకు చుట్టరీకము కలువనిది. నీవు ఇచటి నుండి వెళ్లిపొమ్మని గద్దించి పలుకగా అయ్యా! కోపగించకండి శ్రీవారు వ్రాసిన కాలజ్ఞాన మెపుడు కొల్లబోదు దీనిలో మీకు తెలియకుంటె తాళపత్ర గ్రంథాలలో యుండవచ్చు దానిని పరిశీలించండి యదార్థము తెలియగలదని చెప్పగా