శేషారెడ్డి మానవులకెందాక నాపై భక్తి గలిగుందురో అంతవరకు అంశములు పొందు చుందురు. నన్ను నమ్మి పూజించిన వారికి పుణ్యము ప్రాప్తించునని అందరికి ఆశీర్వదించుచు తిరిగి నేను వైశాఖ శుద్ధ నవమి నాడు మీకు దర్శనమిత్తునని ఏకాంత వాసమునకు వెళ్లెను. ఆ గ్రామాధికారి శేషారెడ్డి గ్రామ ప్రజలందరిని పిలిపించి ఈ విధంగా చెప్పెను. కందిమల్లయ పురవాస ప్రజలారా! శ్రీ వీరబ్రహ్మేంద్రస్వామి మన గ్రామములోనే సజీవ సమాధి కాబోవు చున్నారు అది మన గ్రామానికెంతో కీర్తి ప్రతిష్టలు గలుగును. మన గ్రామమంతా శుభ్రపరిచి పచ్చని తోరణాలతో అలంకరించి ఎవరి ఇండ్లు వారు అలంకరించు కొనవలెనని చెప్పి శ్రీముఖములు వ్రాసి చుట్టూ గ్రామాల వారికి పంపించిరి. ఆయా గ్రామ ప్రజలు శ్రీముఖము చూచుకొని చదువుకొని తండోప తండములుగా వచ్చుచుండిరి.