ನಂದ್ಯಾಲದಿ೦ದ ಪ್ರಯಾಣಿಸಿದ ಸ್ವಾಮಿಯವರು ಮಾರ್ಗಮಧ್ಯದಲ್ಲಿ ವಿಶ್ರಾಂತಿಗಾಗಿ ದಟ್ಟವಾಗಿ ಬೆಳೆದಿದ್ದ ವೃಕ್ತದಡಿಯಲ್ಲಿ ತಂಗಿ ಅಂದಿನ ರಾತ್ರಿಯನ್ನು ಕಳೆಯಲು ನಿರ್ಧರಿಸಿದರು. ಆ ವೃಕ್ಷದಲ್ಲಿ ವಾಸವಾಗಿದ್ದ ಬ್ರಹ್ಮರಾಕ್ಷಸಿ ದಾರಿ ಹೋಕರನ್ನು ಗಾಬರಿಗೊಳಿಸಿ ಹಿಂಸಿಸುತ್ತಿತ್ತು. ಸಿದ್ದಯ್ಯ ಸ್ವಾಮಿಯವರ ಪಾದ ಸೇವೆಯಲ್ಲಿ ನಿರುತನಾಗಿದ್ದು ಗುರುದೇವರು ಬೋಧಿಸುವ ವಿಷಯಗಳನ್ನು ಮನಸಾರೆ ಆಲಿಸುತ್ತಿದ್ದ. ಕೆಲ ಶಿಷ್ಯರು ಮಾರ್ಗಯಾಸದಿ೦ದ ಮಲಗಿದ್ದರು. ಕೆಲವರು ವಿಶ್ರಾಂತಿಯನ್ನು ಪಡೆಯುತ್ತ ಆ ವೃಕ್ಷದ ವಿಶಾಲತೆಯನ್ನು ವೀಕ್ಷಿಸತ್ತಿದ್ದರು. ಆದರಲ್ಲಿ ವಾಸವಾಗಿದ್ದ ಬ್ರಹ್ಮರಾಕ್ಷಸಿ ವಿಕಾರ ರೂಪವನ್ನು ತಾಳಿ. ಬೃಹದಾಕಾರವಾಗಿ ಕಾಣಿಸಿತು. ಅದನ್ನು ನೋಡಿದ ಶಿಷ್ಕರು ಗಾಬರಿಗೊಂಡು ವಿಷಯವನ್ನು ಗುರುಗಳಿಗೆ ತಿಳಿಸಿದರು. ಬ್ರಹ್ಮರಾಕ್ಷಸಿಯ ಮೂಲವನ್ನು ಅರಿತಿದ್ದ ಬ್ರಹ್ಮೇಂದ್ರಸ್ವಾಮಿಯವರು ಸಿದ್ಧಯ್ಯನ ಕೈಲಿ ಬೆತ್ತವನ್ನು ಕೊಟ್ಟು ಆ ರಾಕ್ಷಸಿಯ ಮುಂದಲೆಯನ್ನು ಹಿಡಿದು ಎಳೆದು ತರುವಂತೆ ಹೇಳಿದರು. ಮರವನ್ನೇರಿದ ಸಿದ್ಧಯ್ಯನನ್ನು ಎದುರಿಸಲು ಪ್ರಯತ್ನಸಿದ ರಾಕ್ಷಸಿಯ ಮುಂದಲೆಯನ್ನಿಡಿದು ತಂದು ಗುರುಗಳ ಬಳಿ ಬಿಟ್ಟನು. ಹಿ೦ದಿನ ಜನ್ಮದಲ್ಲಿ ಶಾಪಗ್ರಸ್ತಳಾಗಿ ಬಹ್ಮರಾಕ್ಷಸಿಯಾಗಿದ್ದು ಶಾಪ ವಿಮುಕ್ತಳನ್ನಾಗಿ ಮಾಡಿರೆ೦ದು ಸ್ವಾಮಿಯವರಲ್ಲಿ ಮೊರೆಯಿಟ್ಟಿತು. ಆ ಸಮಯ ಮುಂದೆ ಬರಲಿದೆ. ನನ್ನ ಮೊಮ್ಮಗಳು ಈಶ್ವರಿ ದೇವಿಯಿ೦ದ ಶಾಪಮುಕ್ತಳಾಗವೆ ಎಂದು ಹೇಳಿ ಅಲ್ಲಿಯವರೆಗೂ ಯಾರನ್ನು ಹಿಂ೦ಸಿಸದೆ ಒಂದು ಬ೦ಡೆಯಂತೆ ಬಿದ್ದಿರು ಎಂದು ಆಜ್ಞಾಪಿಸಿದರು. ಅಂದು ರಾತ್ರಿ ಅಲ್ಲಿಯೇ ಕಳೆದು ಬೆಳಗಾಗುತ್ತಲೆ ಪ್ರಯಾಣವನ್ನು ಬೆಳೆಸಿದರು.