ಮುದ್ದಿನಿಂದ ಸಾಕಿದ ಮಗನು ಕಾಣದಾದಾಗಿನಿಂದ ಆದ೦ಬಿ, ಪೀರು ಸಾಯಬು ಎಲ್ಲೆಲ್ಲಿಯೋ ಹುಡುಕಿದರು. ಯಾರ್ಯಾರನ್ನೋ ಕೇಳಿದರು. ಮಗನ ಸುಳಿವು ಸಿಕ್ಕಲಿಲ್ಲ. ಆದ೦ಬಿಯು ಮಗನನ್ನು ನೆನೆ ನೆನೆದು ಆಹಾರವನ್ನು ಸೇವಿಸದೆ ಹಾಸಿಗೆಯನ್ನು ಹಿಡಿದಳು. ಪೀರುಸಾಯಬು ಕಂಡ ಕ೦ಡವರನ್ನೆಲ್ಲಾ ವಿಚಾರಿಸುತ್ತಿದ್ದನು. ಆದಂಬಗೆ ಸಮಾದಾನವನ್ನು ಹೇಳುತ್ತಿದ್ದನು. ಆದರೂ ಆದ೦ಬಿ ಮಗನನ್ನು ನೆನೆಯುತ್ತ ಸೊರಗಿ ಮೇಲೇಳದಾದಳು. ಶ್ರೀ ವೀರಬ್ರಹ್ಮೇಂದಸ್ವಾಮಿಯವರ ದರ್ಶನವನ್ನು ಪಡೆದು ಹಿಂದಿರುಗುತ್ತಿದ್ದ ಸನ್ಯಾಸಿಗಳು ಮುಡುಮಾಲ ಮಾರ್ಗವಾಗಿ ಪ್ರಯಾಣಿಸುತ್ತಿದ್ದರು. ಮಾರ್ಗಾಯಾಸವನ್ನು ಕಳೆಯಲೆಂದು ಮುಡುಮಾಲ ಗ್ರಾಮದ ಒಂದು ಮರದಡಿಯಲ್ಲಿ ಕುಳಿತು ಬ್ರಹ್ಮೇಂದ್ರ ಸ್ವಾಮಿಯವರ ಮಹತ್ಪವನ್ನು ಕೊಂಡಾಡುತ್ತಿದ್ದರು. ಮಗನ ಚಿಂತೆಯಲ್ಲಿ ಅಲೆದಾಡುತ್ತಿದ್ದ ಪೀರು ಸಾಯಬು ಸನ್ಯಾಸಿಗಳ ಬಳಿಗೆ ಬ೦ದು ಸ್ವಾಮಿ! ನಮ್ಮ ಮಗ ಸೈಯದನು ಹಲವಾರು ದಿನಗಳಿಂದ ಕಾಣದಾಗಿದ್ದಾನೆ. ಅವನಿಗಿನ್ನು, ಹದಿನಾಲ್ಕುವರ್ಷ. ಮುದ್ದು ಮುದ್ದಾಗಿ ಮಾತನಾಡುತ್ತಾನೆ. ಹೆಚ್ಚು ಮಾತನಾಡುವುದಿಲ್ಲ. ನಿಮ್ಮ೦ಂತಹವರನ್ನು ಕ೦ಡರೆ ಅವನಿಗೆ ಅಚ್ಚುಮೆಚ್ಚು. ಸಂಚಾರಾರ್ದಿಗಳಾದ ನೀವುಗಳು ಎಲ್ಲಿಯಾದರೂ ಕಂಡಿರ ಎಂದು ಪ್ರಶ್ನಿಸಿದನು. ಆಗ ಆ ಸನ್ಯಾಸಿಗಳು ಆಯ್ಯಾ! ನೀನು ಹೇಳುವುದನ್ನು ಕೇಳಿದರೆ ಇಲ್ಲಿಗೆ ಏಳೆ೦ಟು ಮೈಲಿ ದೂರದಲ್ಲಿರುವ ಕ೦ದಿಮಲ್ಲಯ್ಯಪಲ್ಲಿ ಗ್ರಾಮದಲ್ಲಿ ಶ್ರೀ ಶ್ರೀ ಶ್ರೀ ಪೋತುಲೂರು ವೀರಬ್ರಹ್ಮೇ೦ದ್ರಸ್ವಾಮಿಯವರ ಬಳಿ ಒಬ್ಬ ಹುಡುಗನನ್ನು ನೋಡಿದೆವು. ಪರಬ್ರಹ್ಮ ಸ್ಟರೂಪಿಗಳಾದ ಬ್ರಹ್ಮ೦ ಸ್ವಾಮಿಯವರ ಸನ್ನಿಧಿಯಲ್ಲಿ ಕುಳಿತು ಸದಾ ಅವರ ಪಾದಸೇವೆಯಲ್ಲಿಯೇ ನಿರತನಾಗಿರುತ್ತಾನೆ. ಆವರು ಹೇಳುವ ಆಧ್ಯಾತ್ಮಿಕ ವಿಚಾರಗಳನ್ನು ಮನಗೊಟ್ಟು ಆಲಿಸುತ್ತಿರುತ್ತಾನೆ. ಅಎನ ಶ್ರದ್ಧಾ ಭಕ್ತಿಯ ಸೇವೆ ಮೆಚ್ಚುವಂಥದ್ದು. ಅವನನ್ನು ಎಲ್ಲರೂ ಸಿದ್ದಾ, ಸೈದಾ ನೆಂತಲೂ ಕರೆಯುತ್ತಾರೆ. ಅವನು ನಿಮ್ಮ ಮಗನೇನೋ ನೋಡಿಕೊಂಡು ಬಾ ಎಂದರು ಆ ಸನ್ಯಾಸಿಗಳು.